Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Ka Lalpa hnung zui tur hian channa emaw ka ti ṭhin,
Mite ngaiha hlawhchhamna lo thlenin;
Aw ka tan a hnungzui hi channa emaw ka lo ti,
Mahse, hlawkna a lo ni si.
Ṭahna reng a awm tawh lo,
Lungngaih, mangan, buaina pawh;
Amah nen kan inpawl chuan,
Dam chhung ka tawh apiang hi;
Lawmna tur hlir a lo ni si.
Harsat, mangan, buainate’n ka kawng min chim buai lai leh,
Mite ngaiha beidawnna lo thlenin;
Hrehawm tuarin chau ila, kut ruak pawhin awm ila,
Hlawhchham reng reng a awm lo ve.
Ṭahna reng a awm tawh lo,
Lungngaih, mangan, buaina pawh;
Amah nen kan inpawl chuan,
Dam chhung ka tawh apiang hi;
Lawmna tur hlir a lo ni si.
Kalvari tlang chungah chuan a tlansate kan leng za,
A hmangaihna far chauh pawh kan chanin;
Chatuan nun daih a ni si, khawvel zawng eng pawh ni se,
Lawmna tur hlir a lo ni si.
Ṭahna reng a awm tawh lo,
Lungngaih, mangan, buaina pawh;
Amah nen kan inpawl chuan,
Dam chhung ka tawh apiang hi;
Lawmna tur hlir a lo ni si.
LAWMNA TUR HLIR A LO NI SI
Composer: Upa K. Lalthanzama
Popularized by: One in Christ
