Thlei Bik A Nei Lo (Lyrics) – Jonathan Lianhna

Misual ber pawh min hmangaih hi, amak ka ti Lalpa;
Engtiang pawh in hai der ila,
Min enkawl i thulh lo,
Ka nunhlui vangin min hmangaih kiam love;
Min enkawl dan ah, min hmangaih zia a lang.

I hmangaih leh khawngaihna hian , thlei bik a nei love;
Eng ang mi pawh lo ni ila,
Hmangaih theih loh i nei lo,
Kei ang misual ber tan maw, i nun i hlan mai le;
Min hmangaih em a ni.

Teh dawn ila ka thil tih te, hmangaih tlak loh ka ni;
Van lal fapa meuh thih nan chuan,
Ka te lua em a ni,
I hnial phal lo maw, ranthleng leh kross ka tan;
Van mipui te pawn an ui bet zo lo che.

I hmangaih leh khawngaihna hian , thlei bik a nei love;
Eng ang mi pawh lo ni ila,
Hmangaih theih loh i nei lo,
Kei ang misual ber tan maw, i nun i hlan mai le;
Min hmangaih em a ni.

Mamawh chhangtu i nih vanga, mamawh che ka ni lo;
Ka hmangaih zawh vanga,
Min hmangaih i ni lo,
Min hmangaih mai hi, i nihna zawk a ni;
Ka mamawh ber chu nang hmangaih hi a ni.

I hmangaih leh khawngaihna hian , thlei bik a nei love;
Eng ang mi pawh lo ni ila,
Hmangaih theih loh i nei lo,
Kei ang misual ber tan maw, i nun i hlan mai le;
Min hmangaih em a ni.

THLEI BIK A NEI LO

Composer: Jonathan Lianhna
Popularized by Jonathan Lianhna

FROM THE COMPOSER/SINGER

Lalpa hi a van tha êm.. he hla tlâwm tak hian tumah thlei bîk neilovin Lalpa hian min lo hmangaih vek a, misual leh mi tha, hausa leh rethei, kohhran pawl hrang, hnam hrang leh ram hranga awmte thlengin Lalpa hmangaihna hnuaiah chuan ang khat vek kan nih zia leh Lalpa hmangaih vek kan lo nih zia a lantir a ni. Lalpa chauh ropui rawh se.

He music video puitlin theihna tura hun leh tha min sénpuitute zawng zawng chungah leh tlawmngaia video a min inlan saktute zawng zawng thinlung takin lawmthu ka sawi a, Lalpa vang chauhin kei teh lul min pui inni tih ka hria, Lalpa’n a let tam takin malsawm che u rawh se.

THLEI BIK A NEI LO Lyrics brought to you by Unau.