Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Tiena, Mosie’n Kanaan a thlîra,
Hluo zo lovin Lal thuthlung a phura;
Kanaan ram ropui le a mâwina a hmu’n,
Insîra ngaiin ṭap a ti maw?
Aw, kei khawm Kanaan thar chu ka thlîr,
Ka hrâtna ringin tlung zo naw ning;
Sienkhawm, Lal Jehovin mi ṭhuoi a ta,
Ram inhawi chuong ang chu la hmung ka tih.
Kanaan romei le ni tla zâm vêl,
Ṭhuoitu Mosie chun a hang thlir vela;
Jordan râl kâi chu Lalin a phal nawha,
A hmangaihai chu a lo the tah.
Lung suklêng tlâng ka ngai êm el ie,
Lalna dingin a mâwi chatuon ram chu;
A chun hnêtu Berâmte Lal ân ṭhunga,
A sîrah Lalna pârin a bâwm.
Kanaan pâr mâwi le khawtlâng hrim chu,
Ṭhuoitu Mosie’n hnung tieng an sawn taha;
Ngainaw angin Salem tlâng a lawn tah ie,
Israel nauhai ngai a ti maw?
Mosie’n Kanaan A Thlir Lyrics brought to you by Unau
