Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Lalpa I thlarauin fang suok nåwk la,
Hnuoi hmun khawsawt ṭapna ram hi;
Sandamna kulpui sûnga lêng dingin,
I mihai mi ṭhuoi pei rawh.
Vân lampuiah mi ṭhuoi la,
Thim le lungngaina hnêin;
Mi dotu suol râl ngam, ngêi ka tih,
Chun, I êngah lêng kan tih.
Lalpa thlarâu kan kuomah a um chun,
Kan hmatieng thim inkieng a tih;
Khawvêl buoi le rinumna hnuoisiein,
Lêng kan tih, I ram a chun
Lalpa thlarau ṭhuoi naw chun khawvêl hi,
Sâng tamtak bona ram a nih;
Hlim takin ram thienghlim min tlun ata,
Lalpa, I hrâtna ringin.
Rinum po po lâwmin tuor pei ei tiu,
Hrâtnaw, Lalpa’n ṭhangpui ân tiem;
Tawp chenin thlarauin mi ṭhuoi a ta,
Hmun ropui ei tlung chenin.
Mi Ṭhuoi Pei Rawh Lyrics brought to you by Unau
