Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Ka va ngai ngêi ei chatuon ram,
Le lungmantam khawpui chu, a sîp zum chu;
“Nisa nêkin a var lem” an tih
Hmu ka nuom ngêi Lalpa rûn rem,
Vân mi hai lêngna.
Vân in mâwi panna zalampui,
A sîra lêngkir leiin boral kân lau;
Kei ka suola ka hrât naw leiin,
Vân Kanaan ram mâwi ropui chu,
Chân ka vân lâu ngôi.
Lalpa, I Thlarau mhuoi naw chun,
Tu’n am hung tlung thei an ta? Khawvêl ram hi;
Thlarau boralna ram a ni si,
Ringtuhai chunga aw Lalpa,
Suolin thla a zár.
Hnêtuhai chu an pa ramah,
Nisa nêka var lemin la lêng an ta;
An khawvel lungngaina le buoina,
An lâwmna dingin pâr an ta.
Ṭuoini nei naw nih.
Lêng ka nuom ngei Vân rûnpuiah,
Ei chatuon châwlna ding chu a va mâwi ngêi;
Ei Lalpa’n a siem Salem Khawpui,
Lêng ve inla, eini hai khawm,
Lungngai nâwm ei nih.
LUNGMANTAM KHAWPUI
Composer: Pastor VT Kâppu
Lungmantam Khawpui Lyrics brought to you by Unau
