Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Key: Doh is ‘D’
Khawvel hrehawmna hnuaiah, Lungngai tak leh chauvin kan rum;
Buainaten nitinin min bawm, Thlemna chhumpuite a lo zíng;
I âwm nghenga min pawm loh chuan, Min liampui dawn sual tuipuiin.
Aw, ka ngai zual thin, then lohna ram nuam,
Lungngaihna zawng zawngte, Lâwma kan chan hun chuan;
Inthen kan hlau tawh lovang, Lalnunnema kiangah;
Lawm takin ka zai tawh ang, Lal nunnema kiangah.
Thihnate’n thla an zar lo, Pialral ka Lal lennaah chuan,
Lungngaihna zawng zawng a bo va, Buaina chhumpuite a lo kiang;
Chak lote thlain an thlawk a, Vakvaite’n in nuam ang chang ang.
Damchhung mi hmuak apiangte, Lalpa I tirh ni zel rawh se,
Lungngaih ni leh lawm lai ni te, Hrehawm engpawh lo thleng mah se;
Hei hi ka dil I thu ni se, Lalpa ka tan malsawm ang che.
Van Kanaan thar lamtluangah, Min lo hmuak la ka Lal lunghnem,
Ti a awmhar ka dawn chang in, Ka tah nân khua a sei leh thin;
Zion ram ni lo êng mai rawh, Thlen ka châk pialrâl khawpui chu.
Ka retheina ka ngai lawng, I buatsaih ram ka thlen hun chuan;
Damchhung buaina ka pel tawh ang, Lungngaihna zawng hnutiang
chhawnin,
Setan vanga ka rumna hi, Min hmangaihtu ka hrilh ang a.
Composer: Unknown
