Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Kan khawvel ni a kin hunah,
Lei hlimna a kiang ang;
A mawina leh ropuinate,
An lo ral vek tawh ang.
Tawtawrawt a lo rik hunin,
Lal hmel a lo lang ang;
Vanin khawvel a au vang a,
Lal hmaa ding turin.
Sumdawngtuin a sum zawng zawng,
Kalsan a tul tawh ang;
Lo neituin a thawhrimna,
Chawlhsan a tul tawh ang.
Thuhriltu leh zaipawl zawng zawng,
An lo reh thuap tawh ang;
Vanin khawvel a au vang a,
Lal hmaa ding turin.
Aw hun ropui, aw hun mak tak,
Rorelna ni tur chu;
Krista, Lalin ro a rel ang,
Lalberte Lalber chuan.
A rorel thu a puang ang a,
Ring lote an khur ang;
“Ringtute lawmin lut rawh u,
In chatuan hmun – vanah.”
Rorelna chu an zawh hunin,
Inthen a tul tawh ang;
Hmangaihtu leh hmangaihte pawh,
Inthen a tul tawh ang.
Mipui sang tam tak tahna nen,
Hremhmun an her liam ang;
Mi felte chu an Pa ramah,
Ni angin an eng ang.
KAN KHAWVEL NI A KIN HUNAH
Composer: Rokunga
Popularized by: Mafaki
