Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Eden huona thlatu inmâwl leiin,
Suol le thina’n ro an rel a;
Thina thlazâr inthim hnuoiah,
Mipui sâng tamtak an inrûm,
Sandamtu pêk tiem chu ngaiin.
Halleluiah Amen, Amen,
Van hmangai pâr si-ar hmêl ân lang tah;
Lawmin ka thla, thar hla rem rawh,
Ân hmang hnung vân pielrâl a khin,
Aw ṭhuoi kir nâwk a che.
Lal lungkham tlantu hung suok ni ding chu,
Abra’m, Mosie, Lal Davida’n;
Ngâiin hla takah an lo thlir,
Ringin an sandamtu ni chu;
An lo hmuha, an lo lawm hle.
Vân hmangai pâr chung si-ar hmêl mawi chu,
Zui rawh ka thla, lungngâi lovin;
Thina’n a thla zâr khum a che,
Suolna râl inrûm vêl atih,
Nisienkhawm, himin ṭhuoi a che.
Suola thiemnaw chang hi ka’n lau ta nawh,
Lal thisen hlu ka ring leiin;
Van hmangaina tuipui intling,
Kalvari a hung luong suok khan,
Ka vêlin a mi chîm.
HALLELUIAH AMEN
Composer: Rev Thangngur
Popularised by Lalhmingsang Riengsete
Halleluiah Amen Lyrics brought to you by Unau
