Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Hnuoi lal puon ropui chu tlâwm a ta,
Hnuoi pârmâwihai khawm hi a ṭuoi thei;
Ei dam lai ni khawm hi la liem tla ngêi a ta,
Sienkhawm Lal ditum Isu ka nei.
Lili pâr mâwi Lal Isu ka nei,
Kei di’n a pâr chatuon ram mâwiah;
Rinuma khawm Ama’n a mi umpui pei,
Lili pâr mâwi Lal Isu ka nei.
A hmangaina ram êngmâwi a khin,
Ama chu zing Ârasi a nih;
Rinum tuor inla khawm hi khawvêl ram a hin,
A rama chun mi la ṭhuoi a tih.
Tuhin ṭapin inrûm inla khawm,
Thinain ka mit a sîn pha chun;
Ṭi naw ning thlân thima zâl mi kei, tho ata,
Ka mithlîhai chu hru fai dingin.
Ei ruol ditha’n hi khawvêl a hin,
An mi fesan hin, lungril a ngûi;
Sienkhawm ka lungngai nawh,
Mala ka um khawm hin,
Lili pâr mâwi Lal Isu’n ami umpui.
LILI PAR MAWI LAL ISU KA NEI
Composer: CZ Huala
Popularised by Elvis Rochuoilo Lungṭau
Lili Par Mawi Lal Isu Ka Nei Lyrics brought to you by Unau
