Lal Thar a Pieng (Lyrics) – Hmar Christmas Hla

Ram thienghlima Lal hung pieng chu,
Chung Arasi chun a pan peia;
Mivar ama zawngtuhai khawm khan,
Arasi an en a;
Kei khawm chu arasi chu pan peiin,
A piengna hmun tlâwm Bethlehem tlung ka tih.

Aw Bethlehem tlâng ka tlung hma chun,
Châwl lovin fêng ka tih;
Sûn Arasi var chun mi ṭhuoi a ta,
Mari châwi lâi naute chu va hmung ka tih.

Chatuon Salem khawtkhâr ropui,
Chu ei ta di’n ânhawng nâwk tah ie;
Bohmangna ram a lêng ta hnung kha,
Van khuo a mi’n changtir;
Lâwm hla rem ei tiu Lal thar a pieng tah,
Hnuoi hi chatuon hla mawiin nghawr vêl raw se.

Lawm lo um an ti’m Lal thar chu,
Van mipui hai chun an hung ṭhe tah;
A ngaiin vân khuo a re zo tah,
Ṭapin hnuoi an thlira;
Chatuon arasi khan a zui pei a,
A piengna Bethlehem tlâng a hung intlun.

Aw le, tuhin va fêng ei ta,
Hmun khawsâwt tieng chu pan pei ei tiu;
Hnuoi lalha’n ama do hai sienkhawm,
Mipuihai po khawmin;
Kei chu ka Lal dit ka lunglai hnemtu,
Hmun khawsawt a khawm mi umpui zing a tih.

LAL THAR A PIENG

Composer: Patea
Popularised by Lalhluopui Infimate

Lal Thar a Pieng Lyrics brought to you by Unau