Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Lal Isu Krista Sandamtu,
Bethlehemah a hung pieng hi;
Mi po povin lo beseng ro,
Ei Sandamtu ding a pieng tah.
A piengna ni hi ka lâwm,
A thina ni hin a mi rûn;
Hieng ang Lal pieng an um ngai nawh,
Ka lâwmna ropui tak a nih.
Sebâwng inah a pieng tah a,
Ran buthlêngah an inzâla;
Beram vêngtuha’n an bieka,
Mivarha’n an hung biek bawka.
Ei ni khawmin ei biek thei a,
Ama ei Sandamtu a nih;
Hlim taka chawimawiin lâwm ro,
Ei Lal dinga hung pieng a nih.
Judai ram thingtlâng phâituolah,
Bethlehem ri inthang mawi sien;
Khawsak mivarhai khawm an hung,
A chûnnu chawilâi lâwm dingin.
Nangni chung tieng Angel vârhai,
Serafim le mithienghlim hai;
Chawimawina hlamawi hung rem ro,
Van khawpui, hnuoi, nghawr vêl raw se.
ISU SANDAMTU
Composer: Kâpsâng
Isu Sandamtu Lyrics brought to you by Unau
