Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Hieng ang chen hringnun ka lo hmang tah,
Hmu le hriet tamtak ka nei ta;
Sienkhawm Lal Isu neka tha hi,
Ka la tawng ngainaw hun kha le chen.
Hla taka um Pathien an naw.
Hnaitea um Pathien a nih,
Ka ko phawta hung kûr duom duom.
Ienglaikhawm a mi hnai zingtu a nih.
Vawitamtak Lalpa inhmangsanin,
Suolna khurthima lêng lang khawm;
A hmangaina’n a mi thlîr zinga,
Ka hlat a a um ngai hrim hrim naw.
Khawvela mi hmangaitu hai hi,
Ka ko phâklo ni a tam ngei;
Sienkhawm a ma’n a mi hlat ngai nawh,
Ko phâka umzing Pathien a nih.
Lalpa nang nei dinga phûtu che,
Mitha sangtam an umlaiin;
Kei ang misuol kuoma inpuonga,
Mi chîntak hin ka lo nei ta che.
HNAITEA UM PATHIEN
Composer: Solomon V. Hmar
Popularized by: ICI Central Choir
Hnaitea Um Pathien Lyrics brought to you by Unau.
