Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Khawvêl a hin Lal tam tak an hung pieng tah a,
Sienkhawm Lal Krista ang hi an la pieng ngai nawh.
Van Lal nau a hung suok Bethlehem Bawng In ah;
Van Lal nau lawm dingin hnuoi le vânmi an fiel.
Hlim takin lawm ei tiu,
Van Lal nau inpâkin,
A suokni lawmin leilung hi zâiin sip sien;
Van Lalnau a hung suok
Lal Kraun mîn khumtir di’n,
Vânmi khawmin mi hung lâwmpui ve raw hai se.
Vân mipui tiem sêng naw ha’n lawmhla an hung rem,
An rawlmawi thangkhawk vel chu, Berampu’n an hriet;
Lal Krista zâlna chu fel takin an hril a.
An beram mâksanin Lal chibai an bûk a.
Khawsak mivar hai khawm rimtui châwiin an hung,
Thangvâna Arasi’n an hma a hung ṭhuoi a,
Ranthlênga A nu Mari chawiin an va hmu;
An robawm hai hawngin Lal chibai an bûka.
Lal Herod ruok chun a lo lung inzîng pui a,
Hlêma, chibai bûk tumin, mivarhai an dawn;
A pheisen râl a khawm Judai ram vêl a mi,
Chibai bukna rapthlâk pe dingin an suoka.
Isu, vawsun hin kan lungril bawng in tlâwm ah,
Insieng thar nawk la nang, kan chatuon Lal dingin;
Kan kut inrieng hi Mari kut angin ngai la,
Kum khuotluong a lawmin, hlim kumkhuo tâng kan tih.
HLIM TAKIN LAWM EI TIU
Composer: RL Kamlala (1902-1965)
Popularised by Pi Lalruotmawi
Hlim Takin Lawm Ei Tiu Lyrics brought to you by Unau
